"Галатасарой"нинг универсал ҳимоячиси Вильфред Синго "Астон Вилла" эътиборига тушди. Бу ҳақда Sabah нашри хабар бермоқда.
Манбага кўра, "Галатасарой" 24 ёшли футболчини сотишдан тахминан 60 миллион евро ишлаб олмоқчи. Таъкидланишича, турк гранди 50 миллиондан паст таклифларни кўриб чиқмайди.
Айтиш керакки, "Галатасарой" Сингони икки ой олдин "Монако"дан 30 млн еврога сотиб олганди. Шу вақтдан бошлаб ҳимоячи барча турнирларда еттита учрашувда майдонга тушди ва битта ассистни ўз ҳисобига ёздириб қўйди.
Сингонинг "Галатасарой" билан меҳнат шартномаси 2030 йилнинг ўрталарига қадар мўлжалланган.
