"Челси" бош мураббийи Энцо Мареска жазоланди. Англия футбол ассоциацияси Марескани бир ўйинга дисквалификация қилди, шунингдек, 8 минг фунт (тахминан 9200 евро) миқдорида жаримага тортди.
Мареска "Ливерпуль"га қарши ўйинда қизил карточка олгани учун жазоланди. "Челси" мураббийи ўйин охирида жамоасининг голидан кейин ҳиссиётларга берилиб, техник зонадан ташқарига югуриб чиқди ва футболчилар билан бирга голни нишонлаш учун йўл олди.
"Челси" айни дамда Премьер-лига жадвалида еттинчи ўринда бормоқда.
18 октябрь куни "Челси" "Ноттингем Форест"га қарши ўйнайди, Энцо Марески техник зонада бўлмайди.
