Патрик Виейра Дезире Дуэни дунёдаги энг яхши ёш футболчи деб эътироф этди.

Илгари, "ПСЖ"нинг 20 ёшли ярим ҳимоячиси "Golden Boy" мукофоти финалчилари рўйхатига киритилганди.

"Дезире Дуэ Европадаги энг яхши ёш футболчи ҳисобланади. У нафақат Чемпионлар Лигаси финалида гол уриб, ўз истеъдодини тўла намоён этди, балки "Ренн"да сезиларли ривожланди ва "ПСЖ"да ҳам ўсишда давом этмоқда. У қийин даврни бошдан кечирди, аммо кўп меҳнат қилди ва ҳеч қачон таслим бўлмади.

Ламин Ямал бу йил номзод бўла олмагани учун, Дуэ ғолиб чиқади деб ўйлайман. У катта истеъдодга эга ёш ўйинчи.

Клуб ўрганиш, хато қилиш ва улардан сабоқ олиш учун қулай шароит яратиши керак. Дезире Дуэ бунинг ажойиб намунаси. Мен уни дунёдаги энг яхшилар орасида энг яхшиси деб ҳисоблайман," - дея таъкидлади Франция терма жамоасининг собиқ ярим ҳимоячиси Foot Мерcато нашрига.