"Барселона" вингери Маркус Рэшфорд "Манчестер Юнайтед"да Криштиану Роналду билан бирга ўйнаганини эслади.
Инглиз ва португалиялик 2021-2022 йилларда "қизил иблислар" шарафини биргаликда ҳимоя қилган, шундан сўнг Криштиану клуб билан шартномани бекор қилган ва Саудия Арабистонининг "Ан-Наср" клубига ўтган.
"Криштиану терма жамоа шарафини ҳимоя қилиш нимани англатишини ҳаммадан яхши билади. У билан ўйнаш бахтига муяссар бўлганимдан хурсандман. Уни яқиндан кузатиб, шунча йил давомида футбол чўққисида қолиш нимани англатишини тушундим," - дея "МЮ"нинг 27 ёшли тарбияланувчиси сўзларини келтиради Barca Universal.
Маркус Рэшфорд ўзи учун қадрдон бўлган клубни ўтган ёзда тарк этганди. У "Барселона"да ижара асосида ўйнамоқда.
