Футзал бўйича мамлакат миллий чемпионати — Олий лига жамоаларининг 4-тур учрашувлари шу йилнинг 22–25 октябрь саналарида Қарши шаҳрида бўлиб ўтади. Турга «Геолог» спорт мажмуаси мезбонлик қилади.

Мазкур тур Олий лигада биринчи даврани якунлаб беради. Шу боис ҳам барча иштирокчилар давранинг сўнгги икки учрашувидан максимал очко жамғариш ҳаракатини қилиши аниқ. Бу эса мухлислarga қизиқарли ва муросасиз ўйинларни тақдим этади.

4-турнинг ҳар бир ўйин кунида марказий учрашувлар бор. Айниқса, чемпионат етакчилари — «BMB PFC», «ОКМК», «СҚБ», «Насаф», «Локомотив», «Oil Star», «Бунёдкор» жамоаларининг ўзаро ҳисоб-китоби турни «ёндирaди». Шу маънода қашқадарёлик футзал ишқибозлари ҳамда Қарши шаҳри меҳмонларига Олий лиганинг 4-тур учрашувларини ўтказиб юбормасликни маслаҳат берамиз.

Мамлакатимизнинг қолган ҳудудларидаги шарм тўп ишқибозлари эса 4-турнинг барча ўйинларини «Спорт» ижодий бирлашмаси телеканалларида ҳамда Ўзбекистон футзал федерациясининг YouTube канали орқали тўғридан-тўғри, жонли тарзда томоша қилишлари мумкин бўлади.