Бугун, 17 октябрь куни Ўзбекистон давлат жисмоний тарбия ва спорт университетида белбоғли кураш бўйича бошланган “Халқаро дўстлик кубоги” баҳсларида Ўзбекистон, Қирғизистон, Тожикистон ва Россия Федерацияси вакиллари иштирок этмоқда.

Нуфузли мусобақанинг очилиш маросимида иштирок этган хорижлик меҳмонлар халқаро ҳамкорлик алоқалари ривож топаётгани хусусида сўз юритиб, ўзбек спорт инфратузилмасидаги ижобий ўзгаришларга юқори баҳо беришди.

Мусобақа доирасида Ўзбекистон давлат жисмоний тарбия ва спорт университети ҳамда хорижий спорт ташкилотлари ўртасида ҳамкорлик меморандуми имзоланди.

-65, -75, -85, -100 ва +100 килограмм вазн тоифаларидаги муросасиз беллашувларнинг ғолиб ва совриндорлари эртага аниқланади.