Англиялик собиқ ҳужумчи Габриэль Агбонлахор "Борнмут" вингери Антуан Семеньонинг ўйинига қойил қолди.

25 ёшли футболчи анчадан буён Премьер-лига грандлари эътиборида. "Астон Вилла" собиқ ҳужумчисининг сўзларига кўра, "олчалар" етакчиси инглиз топ-жамоаларининг ҳеч бирида йўқолиб қолмаган бўларди.

"Менга Семеньо асосий таркибда тушмайдиган АПЛнинг ҳеч бўлмаса битта жамоасини айтинг. У "Арсенал"даги Мартинелли ва Троссардан, "Ливерпуль"даги Гакпо ва "Манчестер Сити"даги Докудан яхшироқ. "Тоттенхэм"да ҳам у асосий таркибда бўларди," - дея Агбонлахорнинг сўзларини келтиради talkSPORT.

Антуан Семеньо Англия чемпионатининг жорий мавсумида ўтказилган 8 та учрашувда 6 та гол ва 3 та голли узатмани амалга оширди.