Аргентина U-20 терма жамоаси ёшлар ўртасидаги жаҳон чемпионати финалида марокашлик тенгдошларига имкониятни бой бериб қўйди (0:2).

Яссир Забирининг дубли марокашликларга ғалаба келтирди. Голлар 12 ва 29-дақиқаларда киритилди.

- Тушкунликка тушманглар, йигитлар! Ажойиб турнир ўтказдингиз. Гарчи ҳаммамиз совринни қандай кўтараётганингизни кўришни хоҳлаган бўлсак-да, сиз бизга кўп қувонч келтирдингиз. Оқ-кўк ранглар учун курашганингизни фахр билан кузатдик," - деб ёзди Месси ижтимоий тармоқдаги саҳифасида финал ўйини якунланганидан кўп ўтмай.

Эслатиб ўтамиз, ярим финалда аргентиналиклар Колумбия терма жамоасини минимал ҳисобда мағлуб этган бўлса, аввалроқ Мексика (2:0) ва Нигерия (4:0) терма жамоаларидан устун келганди.