Argentina U-20 terma jamoasi yoshlar o‘rtasidagi jahon chempionati finalida marokashlik tengdoshlariga imkoniyatni boy berib qo‘ydi (0:2).
Yassir Zabirining dubli marokashliklarga g‘alaba keltirdi. Gollar 12 va 29-daqiqalarda kiritildi.
- Tushkunlikka tushmanglar, yigitlar! Ajoyib turnir o‘tkazdingiz. Garchi hammamiz sovrinni qanday ko‘tarayotganingizni ko‘rishni xohlagan bo‘lsak-da, siz bizga ko‘p quvonch keltirdingiz. Oq-ko‘k ranglar uchun kurashganingizni faxr bilan kuzatdik," - deb yozdi Messi ijtimoiy tarmoqdagi sahifasida final o‘yini yakunlanganidan ko‘p o‘tmay.
Eslatib o‘tamiz, yarim finalda argentinaliklar Kolumbiya terma jamoasini minimal hisobda mag‘lub etgan bo‘lsa, avvalroq Meksika (2:0) va Nigeriya (4:0) terma jamoalaridan ustun kelgandi.
