"Ливерпуль" Премьер-лига ўйинида ўз майдонида "Манчестер Юнайтед"га мағлуб бўлди (1:2).
Коди Гакпо мерсисайдликларнинг ягона голини урди, бироқ у бир неча бор гол уриш имкониятига эга эди. Нидерландиялик футболчи рақиб дарвозасининг устунини (тўсини) уч марта нишонга олди. Opta маълумотларига кўра, ҳисоблар юритила бошланган даврдан буён (2003/04 йилги мавсумдан бери) фақат Дарвин Нуньес Англия чемпионатининг битта ўйинида устун ва тўсинга бундан ҳам кўпроқ - тўрт марта тўп теккизган. Эслатиб ўтамиз, уругвайлик ҳужумчи ҳам "Ливерпуль" сафида ўйнаган.
"Манчестер Юнайтед"нинг ҳал қилувчи голини 84-дақиқада Харри Магуайр киритди.
Дарвин Нуньес ўтган ёзда Англияни тарк этиб, Саудия Арабистонининг "Ал-Ҳилол" жамоасига ўтган эди.
