Мадриднинг "Реал" клуби икки юлдуз футболчисини сотиш орқали 350 миллион евродан кўпроқ пул ишлаб олмоқчи.
Fichajes нашри манбаларининг маълум қилишича, айни дамда "қаймоқранглилар" раҳбарияти Винисиус Жуниор ва Родригони жамоадан кетиш имкониятини кўриб чиқмоқда. Клубдагилар бразилиялик дуэт нафақат спорт нуқтаи назаридан, балки тижорат нуқтаи назаридан ҳам клуб учун жуда муҳим эканлигига ишонишади, аммо уларнинг сотилиши уларнинг молиявий аҳволини сезиларли даражада яхшилайди.
Қайд этилишича, "Реал" Винисиус ва Родригони сотишдан камида 350 миллион евро ишлаб олишни режалаштирмоқда. АПЛ ва Саудия Арабистонининг етакчи клублари узоқ вақтдан бери бразилияликларни кузатиб келмоқда.
Винисиус Жуниор жорий мавсум "Реал" сафида барча мусобақаларда 11 та ўйинда майдонга тушиб, 5 та гол ва 4 та голли узатмага муаллифлик қилди. Родриго эса "қаймоқранглилар" сафида 9 та ўйинда атиги 2 та голли узатмани амалга оширган.
