"Ливерпуль" ярим ҳимоячиси Флориан Вирц Чемпионлар лигаси умумий босқич 3-туридан ўрин олган Франкфуртнинг "Айнтрахт" клубига қарши баҳснинг иккинчи бўлимида "Ливерпуль" ҳар доимгидек ҳаракат қилганини айтди.

Иккинчи 45 дақиқа ичида Арне Слот жамоаси рақиб дарвозасига иккита тўп киритди. Иккала ҳолатда ҳам Вирц шерикларига ассистентлик қилди.

"Мен жамоа кўпроқ, анча кўпроқ нарса қила олишларини биламан. Аммо ўйлайманки, иккинчи бўлим ҳақиқатан ҳам яхши ўтди," - деди германиялик футболчи.

Вирцнинг қўшимча қилишича, у жамоанинг ғалабасидан, шунингдек, иккита голли узатма бера олганидан мамнун.

Ўйиндаги якуний ҳисоб - 5:1 "Ливерпуль" фойдасига, у барча мусобақаларда кетма-кет тўртта мағлубиятдан иборат серияни тўхтатди.