Мадриднинг "Реал" клуби бош мураббийи Хаби Алонсо марказий ҳимоячи Эдер Милитаонинг ўйинидан ҳайратда эканини айтди.
Ёзда бразилиялик футболчи хочсимон боғламининг ёрилишидан кейин тикланди. Сўнгги ойларда футболчи мунтазам равишда асосий таркибда майдонга тушмоқда.
"Милитао жуда ажойиб. У ўзини тобора яхши ҳис қиляпти, буни кўриб турибсиз. Клуб ва барчамиз учун ажойиб янгилик," - дея Алонсонинг сўзларини келтиради журналист Фабритсио Романо.
Чоршанба куни Эдер Милитао "қаймоқранглилар"га ЕЧЛда "Ювентус" устидан 1:0 ҳисобида ғалаба қозонишга ёрдам берди. Якшанба куни мадридликлар ўз уйида "Барселона"ни қабул қилади.
