Мадриднинг "Реал" клуби ярим ҳимоячиси Жуд Беллингем жамоасининг Чемпионлар лигаси доирасидаги "Ювентус"га (1:0) қарши ўйиндаги муваффақияти ҳақида гапирди.
Айнан англиялик футболчи 57-дақиқада рақиб дарвозасини ишғол қилиб, ягона гол муаллифига айланди.
"Ажойиб ҳиссиётлар. Ниҳоят Чемпионлар лигасининг муҳим ўйинида майдонга тушиб, узоқ танаффусдан кейин ғалаба голини уришни орзу қилгандим," - дейди Беллингем интервьюда.
22 ёшли хавбек мавсум бошини ўтказиб юборди - у елкасидаги операциядан кейин тикланаётганди.
