"Бавария" ҳужумчиси Харри Кейн жамоа билан шартномани узайтиришга оид фикрлари билан ўртоқлашди.
"Музокаралар кейинги ойда эмас, балки янги йилда бўлиб ўтади. Ўшанда ҳаммасини муҳокама қиламиз. Ҳолатимиз яхши, ўзимни яхши ҳис қиляпман. Биз шошилмаяпмиз," - дея Кейннинг сўзларини келтиради BILD.
Кейн 2023 йилда "Бавария" футболчисига айланганди. Жорий мавсумда 33 ёшли ҳужумчи ақл бовар қилмас сермаҳсулликни намойиш этмоқда: барча мусобақалардаги 12 ўйинда у нақд 20 марта рақиблар дарвозасини ишғол қилишга муваффақ бўлди. Шунингдек, унинг ҳисобида учта голли узатма бор.
Кейннинг "Бавария" билан амалдаги шартномаси 2027 йилнинг июнигача мўлжалланган.
