"Манчестер Сити" ҳимоячиси Йошко Гвардиол севимли чап қанот ҳимоясига қайтгани ҳақида фикр билдирди. Хорватиялик футболчи Чемпионлар лигасининг "Вильярреал"га қарши ўйинда (2:0) айнан шу позицияда ҳаракат қилганди.

"Ўз ўрнимга қайтганимдан хурсандман. Бу ерда мен ҳеч нарсани ўйлаб топишим шарт эмас, шунчаки ўйнашим ва дарвозани ҳимоя қилишим керак. Кўриниб турибдики, бу мавсумда биз ўз олдимизга юқори мақсадларни қўймоқдамиз, аммо бу ҳақда гапиришга ҳали эрта. Олдинда узоқ мавсум бор," - дея Гвардиолнинг сўзларини келтиради City Report.

Жорий мавсумда 23 ёшли ҳимоячи барча мусобақаларда 7 та ўйинда майдонга тушиб, 2 та ассистни ўз ҳисобига ёздириб қўйди.