Лондоннинг "Арсенал" клуби собиқ дарвозабони Дэвид Симен ҳужумчи Виктор Дьёкереш ҳақида фикр билдирди.
Яқинда швециялик футболчи Чемпионлар лигаси доирасида Мадриднинг "Атлетико" клубига қарши ўйинда (4:0) дубль қайд этиб, голсиз серияни тўхтатди.
"Виктор жамоага, янги жамоадошларига, Премьер-лига темпига кўникмоқда. Юқорида кўрганимиздек, у куч услубида ўйнашни яхши кўради - шунчаки унга вақт беринг. У борган сари яхши кўринмоқда, ўзига келмоқда ва ишончим комилки, у тез орада кўпроқ гол ура бошлайди," - дея Сименнинг сўзларини келтиради инглиз ОАВ.
Дьёкереш "Арсенал"га ўтган ёзда Лиссабоннинг "Спортинг" клубидан кўчиб ўтган эди.
