Лондоннинг "Тоттенхэм" клуби шарафини ҳимоя қилаётган бразилиялик ҳужумчи Ришарлисон фаолиятини бошқа инглиз жамоасида давом эттириши мумкин. Бу ҳақда Teamtalk журналистлари хабар бермоқда.
Манбага кўра, 28 ёшли футболчининг трансферига "Эвертон" қизиқиш билдирмоқда. "Шпорлар" Ришарлисонни келаси қишда сотиб юбориш вариантини кўриб чиқишга тайёр.
Эслатиб ўтамиз, бразилиялик футболчи бундан аввал ҳам Ливерпуль шаҳри клуби шарафини ҳимоя қилган.
Жорий ўйин кампаниясида Ришарлисон Лондон клубининг 13 та ўйинида иштирок этди. Ҳужумчи ўз ҳисобига учта гол ва битта голли узатмани ёздириб қўйди. Бразилияликнинг меҳнат шартномаси 2027 йилнинг ярмигача мўлжалланган ва унинг бозор нархи 25 миллион еврони ташкил этади.
