"Ливерпуль" ҳужумчиси Муҳаммад Салоҳ сўнгги пайтларда ўзини кўрсата олмаяпти ва танқидларга учрамоқда. "Айнтрахт"га қарши сўнгги ўйинда Салоҳ асосий таркибга ҳам кира олмади. Мисрлик футболчининг вазиятига жамоа бош мураббийи Арне Слот изоҳ берди.
"Ҳар бир инсон қийин лаҳзаларга дуч келади. Ҳисоб одамларнинг фикрига таъсир қилади. Баъзида футболчилар вазиятларни ўтказиб юборишади, Салоҳ ҳам инсон. Биз шунчаки унинг хато қилишига ўрганмаганмиз", - деди Слот матбуот анжуманида.
25 октябрь, шанба куни "Ливерпуль" Премьер-лига доирасида "Брентфорд" меҳмони бўлади.
