"Ливерпуль" ҳужумкор яримҳимоячиси Флориан Вирц қимматбаҳо трансфердан сўнг атиги учта голли узатма амалга оширгани учун танқидларга учрамоқда. Немиснинг ўйинларига "қизиллар" бош мураббийи Арне Слот изоҳ берди.
"Манчестер Юнайтед"га қарши ўйинда Вирц каби пас бериш "Айнтрахт"га қарши ўйинда Доминик Собослаига ассистентлик қилишдан кўра қийинроқ эди. Умуман олганда, унинг ўйини менга ёқди. Аммо ютқазсанг, албатта, салбий фикрларни эшитасан", - деди Слот журналистларга матбуот анжуманида.
"Ливерпуль" айни дамда Премьер-лиганинг "Брентфорд"га қарши сафар ўйинига тайёргарлик кўрмоқда. Жамоалар 25 октябрь, шанба куни майдонга тушади.
