Италия чемпионатининг 8-туридан ўрин олган «Милан» — «Пиза» баҳси драматик тарзда якунланди. «Сан-Сиро» стадионида бўлиб ўтган учрашувда жамоалар 2:2 ҳисобида дуранг ўйнашди.
Учрашувда ҳисобни 7-дақиқада «Милан» ҳужумчиси Рафаэл Леау очди. 60-дақиқада «Пиза» яримҳимоячиси Хуан Куадрадо пенальтидан ҳисобни тенглаштирди. 86-дақиқада меҳмонлар сафида М’бала Нзола жамоасини олдинга олиб чиқди. Бироқ 90+4-дақиқада «Милан» ҳимоячиси Закари Атекаме жамоасини мағлубиятдан қутқариб қолди — 2:2.
Саккиз турдан кейин Массимилиано Аллегри шогирдлари 17 очко тўплаб, турнир жадвалида биринчи ўринни эгаллаб турибди. «Пиза» эса 4 очко билан 18-поғонада жойлашган.
Италия — А серия. 8-тур
24 октябрь 2025 йил, жума. Милан, «Сан-Сиро стадиони.
Милан — Пиза — 2:2
Голлар: Леау, 7. — 1:0. Куадрадо, 60 (пен.) — 1:1. Нзола, 86 — 1:2. Атекаме, 90+4 — 2:2.













