"Бавария"нинг собиқ дарвозабони, клуб бошқарув кенгашида ишлаган Оливер Кан Нико Шлоттербекнинг муваффақиятсиз трансферини эслади.

Мюнхенликлар марказий ҳимоячига унинг "Фрайбург"даги фаолиятидан бери қизиқиш билдиришган.

Охир-оқибат, футболчи "Боруссия Дортмунд"га жалб қилинди ва у ерда ўз позициясида дунёнинг энг яхши футболчиларидан бирига айланди.

"Ҳа, "Бавария" Шлоттербек билан шартнома имзолаши мумкин эди. У ўша пайтда "Фрайбург"да эди ва келажаги ҳақида қарор қабул қилиши керак эди. У ҳали жуда ёш бўлгани учун биз бошқа номзодга ўтдик", деди Кан.