"Вест Хэм" клуби қанот ҳужумчиси Жаррод Боуэн жамоасининг Англия чемпионатининг жорий мавсумидаги муваффақиятсиз старти ҳақида гапирди.
"Болғачилар" АПЛнинг 9 турида атиги 4 очко жамғара олди ва турнир жадвалида 19-ўринни эгаллаб турибди.
"Вазиятни ўзгартира оладиган ягона нарса - бизнинг характеримизни кўрсатиб, курашишимиздир. Ҳақиқатга тик қарайлик: биз мушкул аҳволдамиз. Бутун жамоа билан суҳбатлашдик, аммо ҳамма нарса футболчиларнинг ўзига боғлиқ," - деб Боуэннинг сўзларини келтиради Sky Sports.
Англия чемпионатининг 10-турида "Вест Хэм" ўз майдонида "Ньюкасл"га қарши баҳс олиб боради. Учрашув 2 ноябрга белгиланган.
