Жейми Каррагер "Олтин тўп" учун курашда Эрлинг Холанднинг ўрни ҳақида гапирди.
"Ўтган сафар "Олтин тўп" учун овоз беришда Эрлинг Холанд 26-ўринни эгаллаган эди. Бу ҳатто "Манчестер Сити"нинг муваффақиятсиз мавсумини ҳисобга олганда ҳам бемаънилик.
"Сити" требль қайд этганида, Холанд Лионель Мессидан кейин иккинчи бўлди. Агар у "Реал"нинг 53 ўйинда 52та гол уриб, Чемпионлар Лигасида ғолиб чиққан ва кейин совриндан қуруқ қолган футболчиси бўлганида, эҳтимол, клуб ушбу маросимни бойкот қилган бўларди," - деб ёзади "Ливерпуль"нинг собиқ ҳимоячиси Жейми Каррагер.
