Мадриднинг "Реал" клуби телевидениеси бошловчиси кеча Каталониянинг "Барселона" клубига қарши кечган ўйинда ҳужумчи Килиан Мбаппенинг урган голи бекор қилинганидан қаттиқ норози бўлди.
Гол ўйиндан ташқари ҳолат туфайли ҳисобга олинмади.
"Мбаппенинг голи бекор қилиниши - ҳақиқий шармандалик. Бу эпизодда офсайд қайд этилгани ҳайратланарли. Бундай кадрлардан кейин голни бекор қилиб бўлмайди. "Реал"нинг ҳалигача Тебас ва Негрейра лигасида пешқадам бўлиб келаётгани фантастика," - дея бошловчисининг сўзларини келтиради AS.
"Эл-класико" "қироллик клуби"нинг ўз майдонидаги 2:1 ҳисобидаги ғалабаси билан якунланди. Хаби Алонсо шогирдлари Ла Лигада 5 очколик фарқ билан пешқадамлик қилмоқда.
