"Реал Мадрид" расмийлари ҳужумчи Винисиус Жуниорнинг "эл-класико" пайтидаги хатти-ҳаракатларидан норози.
Бразилиялик футболчи алмаштирилганини англаб, жаҳли чиққани барчага кўрсатди.
COPE маълумотларига кўра, "Реал Мадрид" раҳбарияти ҳар қандай ўйинчи майдонни эрта тарк этишни ёқтирмаслигини тушунади, айниқса бундай муҳим ўйинда.
Бироқ, раҳбарият Винисиус бундай хатти-ҳаракатларга қўл урмаслиги ва мураббийнинг қарорларини ҳурмат қилиши керак, деб ҳисоблайди.
"Реал Мадрид" Винисиуснинг хатти-ҳаракатлари такрорланмаслиги кераклигини таъкидлайди, айниқса у жамоа сардори сифатида майдонга тушганини ҳисобга олсак.
