Кеча Испания чемпионати 10-туридан ўрин олган бахсда "Атлетико" сафарда "Бетис"ни 2:0 ҳисобида мағлуб этди. Иккинчи голда Хулиан Альварес голли узатмани амалга оширди.
Аргентиналик футболчи учун бу сермаҳсул ҳаракат Ла Лига доирасида ўтган мавсум бошидан буён 29 та (23 та гол ва 6 та голли узатма) бўлди. Opta хабарига кўра, бу "матрасчилар" ўртасидаги энг яхши натижа ва бутун Испания чемпионатидаги тўртинчи энг яхши натижадир.
Фақат уч нафар футболчининг кўрсаткичлари яхшироқ: Рафинья (32), Роберт Левандовски (33) ва Килиан Мбаппе (47). Бу ҳақда Opta статистик портали хабар бермоқда.
