Саудия Арабистони Қироли кубоги 1/8 финал босқичидан ўрин олган “Ан-Наср” ва “Ал-Иттиҳод” жамоалари ўртасидаги учрашув якунланди. Беллашув Ар-Риёддаги “Мрсул Парк” стадионида бўлиб ўтди. Ўйин 2:1 ҳисобида меҳмонлар фойдасига якунланди.

Учрашувда ҳисобни 15-дақиқада “Реал”нинг собиқ ҳужумчиси Карим Бензема очди. 30-дақиқада “Ан-Наср” форварди Габриэл Анжело ҳисобни тенглаштирди. Биринчи бўлимнинг қўшимча дақиқаларида (45+2) “Ал-Иттиҳод” яримҳимоячиси Уссем Ауар жамоасига ғалаба голини киритди.

49-дақиқада “Ал-Иттиҳод” ҳимоячиси Ахмед Ал-Жулайдан қизил карточка олиб, майдондан четлатилди. Қолган дақиқаларда "Ан-Наср" бир киши кўп бўлиб ўйнаса-да, рақиб дарвозасига йўл топа олмади.

Криштиану Роналду мазкур ўйинда тўлиқ ҳаракат қилди ва энг паст олган футболчилардан бири бўлди (6,3 балл).

Аввалги босқичда “Ан-Наср” “Жидда”ни 4:0 ҳисобида мағлуб этган бўлса, “Ал-Иттиҳод” “Ал-Ваҳда”ни мусобақадан чиқариб юборган эди (1:0).

Қирол Кубоги — 1/8 финал
28 октябрь 2025 йил, сешанба.
Ан-Наср (Ар-Риёд) — Ал-Иттиҳод (Жидда) - 1:2
Голлар: 0:1 — Бензема (15'), 1:1 — Анжело (30'), 1:2 — Ауар (45+2')
Четлатиш: Ал-Жулайдан (49', “Ал-Иттиҳод”)