"Арсенал" ва Букайо Сака ўртасида шартномани узайтириш бўйича музокаралар олиб борилмоқда. Барча томонлар ҳамкорликни давом эттиришга тайёр, шунинг учун музокаралар муваффақиятига шубҳа қилмаса ҳам бўлади.
Таниқли инсайдер Фабрицио Романонинг ёзишича, айни дамда "Арсенал" ва Сака маош тафсилотларини муҳокама қилмоқда.
"Арсенал"нинг асосий жамоаси сафида Букайо Сака турли мусобақаларда 273 та расмий ўйин ўтказиб, 73 та гол ва 71 та голли узатмани ўз ҳисобига ёздириб қўйган.
"Арсенал" ҳозирда Англия Премьер-лигаси пешқадами ҳисобланади. Жамоа 9 турда 22 очко жамғарган.
