Оливер Гласнер "Кристал Пэлас"нинг "Ливерпуль" устидан қозонган ғалабаси ҳақида фикр билдирди.

Англия Лига кубогининг 1/8 финал баҳсида "Кристал Пэлас" сафарда 3:0 ҳисобида ғалаба қозонди.

"Яхши ғалаба. Ўйинга кириш учун 15 дақиқа керак бўлди - яхши ҳаракат қилдик, чиройли голлар урдик ва ўйинни назорат қилдик. Уч ой ичида чемпионлар билан уч марта ўйнаш ва уч марта ғалаба қозониш қанчалик тез-тез содир бўлаётганини билмайман. Шундай экан, ўйинчиларга тан бериш керак.

Дастлабки 15 дақиқада у қадар яхши ўйнамадик, гўё ҳали ҳам меҳмонхонада тургандек ҳис қилдик ўзимизни. Аста-секин ўйинга қўшилиб, чиройли голлар урдик. Яхши ўйин, лекин энг яхшиларидан эмас", - деди "Кристал" бош мураббийи.