"ПСЖ" клуби ўзининг расмий сайтида ҳужумчи Дезире Дуэнинг жароҳати бўйича баёнот берди. Футболчи чоршанба куни "Лорьян"га қарши сафар ўйинида (1:1) жароҳат олганди. Дуэ ҳатто йиғлаб юборди.
"Футболчи ўнг сон мушакларидан жароҳат олди ва бир неча ҳафта давомида майдонга туша олмайди," - дейилади Лига 1 гранди баёнотида.
"ПСЖ" ноябрь ойидаги терма жамоалар ўйинлари учун танаффусдан сўнг 20 ёшли Дуэнинг ҳолати бўйича янги тиббий ҳисобот эълон қилишга ваъда бермоқда.
2025/2026 йилги мавсумда Дезире Дуэ саккизта ўйинда майдонга тушиб, шерикларига учта голли узатмани амалга оширди.
