"Барселона" ярим ҳимоячиси Педри жароҳат олди - чап сон икки бошли мушагининг дистал қисми ёрилди. Дастлаб матбуотда 22 ёшли футболчи ноябрь ойидаги миллий жамоалар ўйинлари учун танаффусдан сўнг сафга қайтиши ҳақида хабарлар тарқалган эди.

Mundo Deportivo хабарига кўра, аслида Педрига тикланиш учун кўпроқ вақт керак. Ярим ҳимоячи фақат декабрь ойи ўрталарида сафга қайтиши кутилмоқда.

Шу тариқа, Педри "Барселона"нинг кўпроқ ўйинларини ўтказиб юборади. Катта эҳтимол билан ярим ҳимоячи куз охири ва қиш бошида "Челси" ва "Атлетико"га қарши муҳим ўйинларни ўтказиб юборади.

"Барселона" кейинги ўйинини 2 ноябрь куни ўз майдонида "Эльче"га қарши ўтказади.