Пирс Морган яна Криштиану Роналдудан интервью олди.
Британиялик журналист ва телебошловчи ижтимоий тармоқда "Ан-Наср" ва Португалия терма жамоаси форварди билан янги интервью эълон қилиб, футболчи билан студияда тушган суратини жойлаштирди.
"Кейинги ҳафта... Криштиану Роналду цензурадан ўтказилмаган. Унинг ҳаётидаги энг шахсий ва самимий интервью", - деб ёзади Морган.
Эслатиб ўтамиз, 2022 йилда Роналду Морганга баҳсли интервью бериб, "Манчестер Юнайтед"ни танқид қилиб, клуб 2009 йилдан бери ривожланмагани ва раҳбарият ва менежер Эрик тен Хаг унга ҳурматсизлик қилганини айтган эди. Бу унинг клуб билан шартномасини бекор қилишга ва Криштианунинг “Ан-Наср”га ўтишига сабаб бўлди.














