Мадриднинг "Реал" клуби президенти Флорентино Перес ҳужумчи Винисиус Жуниорни "Лос-Бланкос" бош мураббийи Хаби Алонсо билан яраштириш мақсадида жамоа машғулотлар базасига ташриф буюрди, деб хабар бермоқда COPE нашри.
Манбага кўра, Винисиус ва Алонсо Ла Лиганинг 10-турида "Барселона" устидан қозонилган ғалаба (2:1) ўйинининг 72-дақиқасида испаниялик мураббий футболчини алмаштирганидан бери Винисиус ва Алонсо гаплашмаяпти, бу эса бразилияликнинг оммавий норозилигига сабаб бўлди.
Бу воқеадан сўнг Винисиус клуб, жамоадошлари ва президентдан узр сўраб баёнот берди, бироқ Алонсони тилга олмади.













