"Барселона" спорт директори Деку "Атлетико" ҳужумчиси Хулиан Альвареснинг агенти Фернандо Идальго билан боғланмоқчи. Бу ҳақда Barca Universal хабар бермоқда.
Манбага кўра, "Барселона" футболчининг келажакдаги режаларини билмоқчи. Каталония клуби Альваресни Роберт Левандовски учун идеал ўринбосар деб ҳисобламоқда, чунки у бош мураббий Ханс-Дитер Фликнинг барча талабларига тўлиқ жавоб беради.
Жорий мавсумда 25 ёшли аргентиналик футболчи барча мусобақаларда 12 та ўйин ўтказиб, 7 марта рақиблар дарвозасини ишғол қилди ва 4 та голли узатмани ўз ҳисобига ёздириб қўйди. Transfermarkt портали Альваресни 100 миллион еврога баҳоламоқда.
