Италиянинг "Рома" клуби ҳужумчиси Эван Фергюсон сафдан чиқди. Бу ҳақда Football Italia нашри хабар бермоқда.
21 ёшли марказий ҳужумчи А Сериянинг сўнгги турида "Парма"га қарши ўйинни асосий таркибда бошлади. Ўйиннинг еттинчи дақиқасида у рақиб футболчиси билан тўқнашиб кетди ва майдонни тарк этишга мажбур бўлди.
Фергюсонда ўнг тўпиқ бойламларининг чўзилиши аниқланди. "Рома" томонидан Англиянинг "Брайтон" клубидан сотиб олиш шарти билан ижарага олинган ирландиялик футболчи камида икки ҳафтага сафдан чиққани тахмин қилинмоқда.
У мавсумолди ўртоқлик ўйинларида бир неча бор гол урган, аммо ҳозирча расмий учрашувларда гол ура олмаган ва 10 ўйинда 1 та голли узатма билан чекланган.
