"Вест Хэм" ярим ҳимоячиси Лукас Пакета "Манчестер Юнайтед"нинг трансфер мақсадига айланди.
"Қизил иблислар" бразилиялик футболчини қишки трансферлар даврида ўз сафига қўшиб олмоқчи, деб хабар беради indykaila News. Агар "болғачилар" белгилаган нарх уларга маъқул келса, манкунианлар бундай уринишни амалга ошириши кутилмоқда.
Лукас Пакетанинг ўзи эса январь ойида "Вест Хэм"ни тарк этишга тайёр. 28 ёшли футболчи еврокубокларга даъвогар клуб сафида тўп тепмоқчи.
Пакетанинг қиймати Transfermarkt мутахассислари томонидан 35 млн еврога баҳоланмоқда. Премьер-лиганинг жорий мавсумида ҳужумкор ярим ҳимоячи 9 та ўйинда 2 та гол уришга муваффақ бўлди.













