Лондоннинг "Арсенал" клуби собиқ футболчиси Аарон Ремзи Мексиканинг "Пумас" клуби билан меҳнат шартномасини бекор қилди. Инсайдер Фабрицио Романонинг ёзишича, бугундан бошлаб томонлар шартнома мажбуриятлари билан боғланмаган. Уэльслик хавбек эркин агентга айланди.
Аарон Рэмзи яқинда - жорий йилнинг июль ойида Мексикага кўчиб ўтди. Футболчи "Пумас" сафида олтита ўйин ўтказиб, битта гол уришга муваффақ бўлди.
Декабрь ойи охирида ярим ҳимоячи 35 ёшга тўлади. У аввалроқ "Кардифф", "Ницца", "Ювентус" ва "Рейнжерс" шарафини ҳимоя қилган ва фаолиятининг энг яхши йилларини "Арсенал"да ўтказган, у ерда 2008 йилдан 2019 йилгача ўйнаган.
