Премьер-лига доирасидаги "Манчестер Юнайтед"га қарши ўйин олдидан "Ноттингем Форест" жамоаси таркибда йўқотишларга дуч келди - бир вақтнинг ўзида бир неча футболчи, жумладан, украиналик ҳимоячи Александр Зинченко сафдан чиқди.
"Ўрмончилар" бош мураббийи Шон Дайчнинг маълум қилишича, Зинченконинг чов жароҳати кучайган ва тикланиш жараёни тахмин қилинганидан кўпроқ вақт олади.
"Зинченко ҳозирча ўйнай олмайди. Афсуски, жароҳат биз кутганимиздан ҳам жиддийроқ бўлиб чиқди," - деди мураббий ўйинолди матбуот анжуманида.
Учрашувда украиналикдан ташқари Крис Вуд ва Дилан Баква (мушаклари шикастланган), дарвозабон Ангус Ганн (тиззасидан жароҳат олган) ва тизза ости пайидаги жарроҳлик амалиётидан сўнг тикланишда давом этаётган Ола Айна ҳам иштирок этмайди.
"Ноттингем Форест" - "Манчестер Юнайтед" учрашуви бугун бўлиб ўтади ва Тошкент вақти билан соат 19:00да бошланади.
