"Ливерпуль" Англия Премьер-лигасида ўз майдонида "Астон Вилла"ни мағлуб этиб, узоқ кутилган ғалабани қўлга киритди (2:0).
Уч очкони "қизиллар"га Муҳаммад Салоҳ ва Райан Гравенберхнинг 45 ва 58-дақиқалардаги аниқ зарбалари келтирди.
"АПЛ ва Чемпионлар Лигасидаги кетма-кет муваффақиятсизликлардан сўнг ғалаба қозониш жуда муҳим эди. Муҳим ўйинлар олдидан тўғри йўлга қайтганимиздан хурсандман.
Биз учун бу мураккаб мавсум - жамоада янги аъзолар кўп. Уларнинг барчаси жуда яхши, лекин мослашиш учун вақт талаб этилади. Биз бир-биримизга кўникишимиз керак, келажакда ҳаммаси яхши бўлади," - деди Салоҳ TNT Sports’га берган интервьюсида.
Эслатиб ўтамиз, "Ливерпуль" Англия чемпионатида 4 та ўйинда мағлуб бўлган эди.
