"Женоа" марказий ярим ҳимоячиси Мортен Френдруп Италия чемпионатининг бирданига учта топ-клуби қизиқишлари доирасига тушиб қолди. Бу ҳақда журналист Николо Скира маълум қилди.
Манбага кўра, Дания терма жамоасининг 24 ёшли хавбекини "Ювентус", "Рома" ва "Интер" клублари кузатиб бормоқда. Қишки трансферлар даврида "Женоа" юқоридаги жамоалардан расмий таклиф олиши мумкин.
Жорий мавсумда Френдруп барча мусобақаларда 11 та ўйинда майдонга тушиб, ўз ҳисобига 1 та гол ёздириб қўйди. Ярим ҳимоячининг амалдаги шартномаси 2028 йилнинг ёзида ўз ниҳоясига етади.
