«Милан»га қарши ўйин «Рома» ҳужумчиси Пауло Дибала учун ҳақиқий синовга айланди.

Аргентиналик футболчи учрашув охирида ҳисобни тенглаштириш имкониятини қўлдан бой берди — у «россонерилар» дарвозасига белгиланган пенальтидан фойдалана олмади. Ундан кейин эса жароҳат олди ва бош мураббий Жан Пьеро Гасперини форвардни алмаштиришга мажбур бўлди.

Натижада «Рома» «Сан-Сиро»да минимал ҳисобдаги мағлубиятга учради.

«Пенальти эпизодидаги энг ёмон нарса — Дибаланинг жароҳати. Энди унинг қанча вақт сафдан чиқиши аниқланади, аммо аниқки, у терма жамоалар баҳсларигача бўлган вақтда ўйнай олмайди. Бу бугунги кечанинг энг катта йўқотиши», — дея Гасперинининг сўзларини келтирган журналистлар.

Учрашувдаги ягона гол 39-дақиқада Страхиня Павлович томонидан урилди.