"Реал" ҳимоячиси Трент Александр-Арнольд Чемпионлар лигаси доирасида "Ливерпул"га қарши ўйин олдидан собиқ жамоасига бўлган ҳис-туйғулари ҳақида гапирди.
"Мен ҳар доим клубни яхши кўраман, доим мухлис бўлиб қоламан. Мен билан бирга қўлга киритган имкониятлар ва эришган нарсаларимиз учун доимо миннатдор бўламан. Бу мен билан абадий яшайди. Нима бўлишидан қатъий назар, "Ливерпул"га бўлган ҳис-туйғуларим ўзгармайди. У ерда бир умрга қоладиган хотираларим бор ва мени қандай кутиб олишмасин, бу ўзгармайди", - деди 27 ёшли футболчи Prime Video Sport билан суҳбатда.
Александр-Арнольд 2016 йилдан 2025 йилгача "Ливерпул"да ўйнаган. Клуб билан у икки марта Англия Премьер-лигаси (2019/20 ва 2024/25 мавсумларда) ва Чемпионлар Лигаси (2018/19) ғолиби бўлган.
"Ливерпуль" 4 ноябрь куни "Реал"ни қабул қилади.













