«Астон Вилла» канот ҳужумчиси Жедон Санчо январь ойида «Манчестер Юнайтед»га қайтиши кутилмоқда. Бу ҳақда журналист Экрем Конур хабар берди.
Манба маълумотларига кўра, бир неча ой аввал ижарага олинган 25 ёшли футболчининг ҳолати ва ўйини «Астон Вилла» раҳбариятини қониқтирмаяпти — у жамоа сафида фақат бир марта асосий таркибда майдонга тушган.
«Астон Вилла» Санчони ёзги трансфер ойнасида «қизил иблислар»дан ижарага олган эди. Шундан бери у 6 та учрашувда иштирок этди ва бирорта голда иштирок этмади.
Жедон Санчонинг «Манчестер Юнайтед» билан амалдаги шартномаси 2026 йил ёзигача мўлжалланган. Transfermarkt маълумотларига кўра, футболчининг бозор қиймати 25 миллион еврога баҳоланган.
