«Атлетико» вингери Нико Гонсалеснинг Чемпионлар лигаси доирасидаги навбатдаги — «Юнион Сент-Жиллуаз»га қарши учрашувда майдонга тушиши ҳозирча шубҳа остида.
27 ёшли аргентиналик футболчи яқинда бўлиб ўтган «Севилья»га қарши баҳсда жароҳат олган ва тиббий кўриклардан сўнг унинг ҳолати баҳоланмоқда.
Клуб тиббий штаби Гонсалеснинг тикланиш жараёнини яқиндан кузатмоқда ва унинг ўйинда иштирок этиш-этмаслиги ҳақида қарор учрашув арафасида қабул қилинади.
Гонсалес жорий мавсумда "матрасчилар" сафида жами 11 та ўйинда 1 та гол уришга эришди.
