Лондоннинг "Арсенал" клуби ноябрь ойидаги халқаро танаффус якунига қадар Виктор Дьёкереш ва Габриэль Мартинеллини йўқотди. Бу ҳақда The Athletic хабар бермоқда.
Манбанинг ёзишича, клуб ҳар икки футболчини 23 ноябрь куни "Тоттенхэм"га қарши дербига қайтаришга умид қилмоқда.
Эслатиб ўтамиз, Дьёкереш "Арсенал"нинг шанба кунги "Бёрнли"га (2:0) қарши ўйинида танаффусда захирага олинганди. Швед бу ўйинда гол уришга муваффақ бўлди.
Мартинелли ундан олдинроқ - бир ярим ҳафта олдин Лондоннинг "Кристал Пэлас" клубига қарши ўйинда майдонни тарк этганди.
Сешанба куни "Арсенал" Чемпионлар лигаси доирасида сафарда Праганинг "Славия"сига қарши, дам олиш кунлари эса АПЛ доирасида "Сандерленд" меҳмони бўлади.
