Лондоннинг «Арсенал» клуби Чемпионлар Лигаси умумий босқичининг 4-турида сафарда «Славия»ни 3:0 ҳисобида мағлуб этди.

32-дақиқага келиб, Букайо Сака пенальтидан ҳисобни очди. Иккинчи бўлимнинг бошида — 46-дақиқада Микель Мерино гол урди, у 68-дақиқада дубль расмийлаштириб, чех жамоаси дарвозасига иккинчи бор тўп киритди.

Бу ғалабадан сўнг «Арсенал» 12 очко билан Чемпионлар Лигаси умумий босқичи жадвалида биринчи ўринга кўтарилди, «Славия» 2 очко билан 30-поғонага тушиб кетди.

Кейинги турда «Арсенал» 26 ноябрь куни ўз майдонида «Бавария»га қарши баҳс олиб боради,
«Славия» эса 25 ноябрь куни «Атлетик»ни қабул қилади.

ЕЧЛ. 4-тур
4 ноябрь, сешанба, 22:45
Славия - Арсенал - 0:3
Голлар: Сака, 32 - пенальтидан (0:1). Мерино, 46 (0:2). Мерино, 68 (0:3)
Славия Прага: Маркович, Халоупек, Зима, Влчек (Чам, 70), Зафейрис (Дудера, 70), Садилек, Мбоджи, Мозес (Хасиока, 74), Саньянг (Кушей, 74), Провод, Хоры (Хитил, 48)
Арсенал: Райя, Салиба, Габриэл Магальяйнс, Хинкапье (Уайт, 73), Тимбер (Льюис-Скелли, 73), Нергор, Райс (Харриман-Анноус, 81), Нванери (Эзе, 65), Троссар (Доуман, 73), Сака, Мерино
Огоҳлантиришлар: Зафейрис, 70. Дудера, 83. Мбоджи, 90 - Нванери, 24. Мерино, 37. Нергор, 75. Льюис-Скелли, 79