Мадриднинг "Реал" клуби дарвозабони Тибо Куртуа Чемпионлар лигаси доирасидаги "Ливерпуль"га қарши ўйиндан сўнг ўз таассуротлари билан ўртоқлашди.
"Қаймоқранглилар" сафарда кичик ҳисобда имкониятни бой бериб қўйди. Ўйиндаги ягона гол 61-дақиқада Алексис МакАллистер томонидан киритилди.
"Ҳақиқатга тик қараш керак - биз яхши ўйнамадик. Лекин ҳаммаси жойида, хотиржамликни сақлаб, олдинга юришимиз керак. Менинг сэйвларим? Қўлимдан келганини қилдим," - деди журналистлар билан суҳбатда "қизиллар"нинг саккизта зарбасини қайтарган Куртуа.
"Реал" ва "Ливерпуль" Чемпионлар Лигаси умумий босқичининг 4 туридан кейин тўққиз очкодан тўплаган.
