Сешанба оқшомида ЕЧЛ умумий босқич 4-туридан ўрин олган "Ливерпуль" - "Реал" учрашуви бўлиб ўтди. Унда Арне Слот жамоаси 1:0 ҳисобидаги ғалабани тантана қилди. Ягона гол ярим ҳимоячи Алексис МакАллистер ҳисобига ёзилди.
Айнан Мак Аллистер "Энфилд"да бўлиб ўтган баҳснинг энг яхши футболчиси деб топилди. Финал ҳуштагидан сўнг аргентиналик совринни қўлга киритди.
Чемпионлар Лигасининг 4 турида "Ливерпуль" 9 очко жамғаришга муваффақ бўлди. Қитъа клублари ўртасидаги асосий турнирнинг навбатдаги турида Слот жамоаси ПСВни қабул қилади. Ўйин 26 ноябрь, чоршанба куни бўлиб ўтади. "Реал"нинг ҳам ҳисобида 9 очко бор.
