Мадриднинг "Реал" клуби чап қанот ҳимоячиси Альваро Каррерас "Ливерпуль" ҳужумчиси Муҳаммад Салоҳ ҳақида қандай фикрда эканини айтди.
Сешанба куни Чемпионлар лигаси умумий босқич 4-туридан ўрин олган жамоалар ўртасидаги баҳс мерсисайдликларнинг 1:0 ҳисобидаги ғалабаси билан якунланди. Гол муаллифи Алексис Мак Аллистер бўлди.
"Салоҳ - "Ливерпуль" афсонаси. Бундай ўйинчилар билан қарама-қаршиликдан ҳар доим кўплаб фойдали сабоқлар олиш мумкин," - дея қанотда мисрлик футболчига қарши ўйнаган Каррераснинг сўзларини келтиради испан ОАВ.
"Реал" ҳам худди "Ливерпул" каби 4 турдан кейин 9 очко жамғарди. Мадридликларнинг Чемпионлар Лигасидаги навбатдаги рақиби Грециянинг "Олимпиакос" жамоаси бўлади.
